Kvennakór Hafnarfjarðar var stofnaður 26. apríl 1995.

Kórinn heldur árlega tvenna tónleika, vortónleika í lok apríl og jólatónleika í byrjun aðventu, oft í samvinnu við aðra tónlistarmenn eða kóra. Einnig tekur kórinn þátt í menningardagskrá á vegum heimabæjar síns og ýmsum viðburðum á vegum einstaklinga og fyrirtækja.

Kórinn æfir einu sinni í viku í húsnæði Tónlistarskóla Hafnarfjarðar og tvisvar sinnum á vetri er svokallaður langur laugardagur. Í febrúar er haldið út fyrir bæjarmörkin í æfingabúðir sem standa frá laugardegi til sunnudags.

Kórinn hefur fimm sinnum farið í söngferðalög á erlenda grund. Árið 1998 fór kórinn til Toskana á Ítalíu, árið 2001 til Prag í Tékklandi, árið 2005 til Barcelona á Spáni, árið 2013 til Portoroz í Slóveníu, til Bolzano á Ítalíu árið 2017 og til Cambridge í Englandi árið 2025. Þriðja hvert ár tekur kórinn þátt í Landsmóti íslenskra kvennakóra.

Árið 2006 gaf Kvennakór Hafnarfjarðar út geisladiskinn Stiklur.

Á söngskrá kórsins eru hefðbundin íslensk sönglög og tónlist víða að úr heiminum, s.s. dægurlög, þjóðlög og klassísk tónlist. Í Kvennakór Hafnarfjarðar starfa u.þ.b. 40 konur. Stjórnandi kórsins frá árinu 2023 er Sara Gríms.